alexbank

alexbank
اجتماعية

الجمعة، 8 أبريل، 2011

ارجع يا ريس* الثعلب المكار


ارجع يا ريس

ارجع يا ريس.. قبل العيد عشان نعرف نقول "عيد مبارك"!.


ارجع يا ريس॥ مش لاقيين اسم لمحطة "رمسيس" في المترو!।


ارجع يا ريس.. تقريبًا نسيت نور الصالون في القصر مفتوح!.


ارجع يا ريس.. شكلك هيبقى وحش أمام السادات وعبد الناصر لما يسألوك مشيت إزاي؟


ارجع يا ريس.. وحشنا ابنك جمال!.


ارجع يا ريس.. عشان ننزل التحرير تاني وناكل كنتاكي!.

ارجع يا ريس.. جيراننا بقوا يطبخوا ع الفحم.. أصلنا وقفنا تصدير الغاز!.


ارجع يا ريس.. واللي اتفرم يتصلح!.

ارجع ياريس... شارع صلاح سالم بقالوا كتير ما بيوقفش!.

ارجع يا ريس.. دكاترة الضغط والسكر والقلب مش لاقيين شغل!.


ارجع يا ريس.. عشان خاطر تامر حسني أو تامر أمين!.

ارجع يا ريس.. بقينا بنتكلم في السياسة براحتنا ومحدش بيمنعنا!.


ارجع يا ريس.. شكلنا هنبقى من الدول المتقدمة!.

ارحمنا وارجع بقى.. مين اللي هيغير اسم 620 ألف مشروع ومدرسة باسم سعادتك؟

يا ريس ارجع أنا خايف رغيف العيش يكبر وأنا ناوي أعمل "دايت"!.

ارجع بجد, دلوقتي لما مبيعجبناش وزير بيتغير, المسئولون اتبهدلوا من بعدك!.
************************************************
بمناسبة خطاب مبارك الاخير

الثَّعْلَبُ وَالدِّيك

برز الثعلبُ يومًا *** في شعار الواعِظينا
فمشى في الأَرضِ يَهدي *** ويَسُبُّ الماكرينا
ويقــــولُ: الحمدُ للـه **** إله العالمينا
يـــا عِباد الله، تُوبُــوا *** فهْوَ كهفُ التائِبينا
وازهَدُوا في الطَّير إِنّ *** العيْشَ عيشُ الزاهِدينا
واطلبوا الدِّيك يؤذنْ *** لصلاةِ الصُّبحِ فينا
فأَتى الديكَ رسولٌ *** من إِمام الناسِكينا
عَرَضَ الأَمْرَ عليه *** وهُوَ يرجو أَن يَلينا
فأَجاب الديكُ: عُذرًا *** يا أَضلَّ المُهتدينا!
بلِّغِ الثعلبَ عني *** عن جدودي الصالحينا
عن ذوي التِّيجان ممن *** دَخل البَطْنَ اللعينا
أَنهم قالوا وخيرُ *** القولِ قولُ العارفينا:
((مُخطئٌ مَن ظنّ يومًا *** أَنّ للثعلبِ دِينا))

ليست هناك تعليقات:

إرسال تعليق